Azərbaycanın lider mobil operatoru Azercell Telekom rominqdə olan abunəçiləri üçün daha bir yenilik təqdim edib. Belə ki, artıq rominqdə olan Azercell Fakturalı və Fakturasız xətt abunəçiləri Telefon Mərkəzinə zəng etdikdə, zəngin ilk 5 dəqiqəsini pulsuz danışacaqlar. Həmin zəngin davam edən növbəti hissəsinin hər 1 (bir) dəqiqəsinə görə isə, hesablama intervalı 1 saniyə olmaqla, cəmi 0.70 AZN məbləğində xidmət haqqı tutulacaq. Azercell rominqdə olan abunəçiləri üçün ötən ildən başlayaraq inanılmaz endirmlər tətbiq edib. Belə ki, ötən yay Azercell Telekom rominq xidmətlərinin aktiv edilməsi üçün tələb olunan depoziti ləğv etdi. Bununla da bütün Azercell abunəçiləri istədikləri ölkəyə səfər etməzdən əvvəl rahat şəkildə rominq xidmətlərini aktiv edə bildilər. Bundan əlavə, Azercell yay ərzində rominq qiymətlərinə endirim etdi. Azercell-in abunəçiləri rominq xidməti çərçivəsində Rusiya, Türkiyə, Gürcüstan və Almaniyada endirimli tariflərdən faydalanaraq bu ölkələrdə olarkən bütün istiqamətlərə danışıqlar üçün cəmi 90 qəpik ödədilər. Gürcüstanda səfərdə olan abunəçilərin danışıq haqqı isə 1 dəqiqə üçün 47 dəqiqə tarifi ilə hesablandı. Şirkət, həm də, ötən ilin yanvar ayından etibarən bütün istiqamətlər üzrə beynəlxalq zənglərin qiymətini də əhəmiyyətli dərəcədə endirdi. 1 yanvar 2014-cü il tarixindən başlayaraq Azercell abunəçiləri istənilən istiqamətlərdə dəqiqəsi 32 qəpik tarifi ilə danışırlar. Eyni zamanda, qeyd etmək lazımdır ki, şənbə, bazar və bayram günlərində (gün ərzində) və istənilən gün saat 00:00-dan 08:00-a qədər edilən beynəlxalq zənglərə əlavə 25% endirim tətbiq olunur. Bu müddət ərzində abunəçilər beynəlxalq zənglərin bir dəqiqəsinə yalnız 24 qəpik ödəyilər.
Hər zaman müştəri məmnuniyyətinə böyük önəm verən şirkət bundan sonra sərfəli kampaniya və endirimləri ilə onları sevindirəcək.
Daha ətraflı məlumat üçün news@mcs.az ünvanına müraciət edə bilərsiniz
Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 51% olan Azercell-in şəbəkəsi ölkə əhalisinin 99,8%-ni əhatə edir. 2013-cü ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsil şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaçı olan TeliaSonera şirkətlər qrupunun bir hissəsidir.
Press-relizlər
