Limitsiz 1 saat

Limitsiz 1 saat internet paketinə abunə olmaq üçün Azercell üç asan üsul təklif edir: 

SMS vasitəsilə abunəlik

1 saatlıq internet paketi üçün “S” yazıb SMS vasitəsilə 2525-ə göndər.

Fakturasız xətt (SimSim) abunəçiləri üçün 2525 nömrəsinə göndərilən SMS-lər pulsuzdur.

Fakturalı xətt abunəçiləri üçün 2525 nömrəsinə göndərilən hər bir SMS üçün xidmət haqqı 0.01 AZN təşkil edir.

USSD kod vasitəsilə abunəlik

1 saatlıq internet paketi üçün *100*060#YES kodunu yığ.

"Azercell" tətbiqi vasitəsilə

"Azercell" tətbiqində istənilən internet paketini sifariş etmək olar. *110# kodunu yığaraq tətbiqi yükləmək üçün birbaşa keçid linkini əldə edəcəksiniz.

Abunəçilər limitsiz endirmə sürətindən yararlanacaqlar.

İnternet paketinin 1 və 3 saatlıq etibarlılıq müddəti bitdikdə internetə çıxış dərhal dayandırılır və abunəçi internet.azercell.com saytına yönləndirilir.

İnternetdən paketsiz istifadə cari tarifə uyğun olaraq hesablanır.

01.07.2025-ci il tarixindən etibarən “Limitsiz 1 saat” internet paketinin qiyməti 0.99 AZN-dir.

Bütün qiymətlərə ƏDV daxildir və bu həm Fakturasız, həm də Fakturalı xətt abunəçiləri üçün nəzərdə tutulmuşdur.

Paketi "Azercell" tətbiqi vasitəsilə deaktiv etmək mümkündür. *110# kodunu yığaraq tətbiqi yükləmək üçün birbaşa keçid linkini əldə edəcəksiniz.

Qaynar nöqtə (hotspot) vasitəsilə trafikin paylaşılması zamanı əlavə qoşulan nömrələr müvafiq mənbələrdən internet paketi sifariş edərsə, xidmət haqqı interneti paylaşan nömrənin balansından çıxılacaq. İnternet paketi isə əsas nömrədə aktiv olacaq.

Avtomatik telefon konfiqurasiyaları üçün:

• Avtomatik telefon konfiqurasiyalarını almaq üçün 9595-ə boş SMS göndərmək lazımdır (bu nömrəyə göndərilən hər SMS-in qiyməti 0.01 AZN-dir).
• Cavab olaraq sistem tərəfindən ilk öncə məlumat xarakterli mesaj və 20 dəqiqə ərzində müvafiq ayarlar göndərilir. Ekranda görünən ayarlar cihazın yaddaşında saxlanılmalıdır.
• Yeni ayarları quraşdırmaq və internetə girişi bərpa etmək üçün telefonu söndürüb yenidən yandırmaq lazımdır.

İnternet ayarlarını menyu üzərindən də quraşdırmaq olar. Cihazın növündən asılı olaraq ayarlar aşağıdakı qaydada quraşdırılmalıdır:

Android telefonları üçün:

Ayarlar:

> Digər ayarlar (Digər şəbəkələr, Daha çox)

> Mobil şəbəkələr

> Giriş Nöqtəsinin Adları

> Yeni APN

> Ad: “Azercell Internet”, APN: “Internet” yazılmalıdır

 ‘Yadda Saxla’ düyməsinə basılmalıdır.

Android planşetləri üçün:

Ayarlar:

> Daha çox parametrlər

> Mobil şəbəkələr

> Giriş Nöqtəsinin Adları

> Yeni APN yaradılmalıdır

Ad: Azercell internet

APN: internet

APN növü: default, hipri/default supl/default

Konfiqurasiyalar cihazın yaddaşında saxlanıldıqdan sonra Azercell interneti və Mobil şəbəkələr aktiv edilməlidir.

iOS cihazları üçün:

Ayarlar:

> Mobil şəbəkə

> Mobil məlumatlar şəbəkəsi

> Apn: “Internet” yazılmalıdır

Cihaz yenidən söndürülüb yandırılmalıdır.

Xiaomi telefonları üçün:

Ayarlar:

> Sim kart və Mobil şəbəkələr

> Sim kart ayarları

> Azercell

> Giriş Nöqtəsinin Adları

> Yeni APN-də, ad sahəsində “Azercell”  və APN sahəsində “Internet” yazılmalıdır

Azercell SİM Kartının hansı bölmədə olduğu yoxlanılmalıdır. Daha sonra Sim İdarəedicisi > Məlumat xidmət şəbəkəsi bölümünə daxil olub, nömrənin yerləşdiyi SIM kart seçilməlidir.