Nömrəmi fakturasız xəttdən fakturalı xəttə necə keçirə bilərəm?

Fakturasız xətt abunəçiləri nömrələrini dəyişmədən Fakturalı xəttə keçirə bilərlər.

• Azercell Fakturasız xətt abunəçiləri Azercell fakturalı xətt sisteminə keçdikdə balanslarında qalan AZN ilə məbləğ tam olaraq Fakturalı xətt balansına keçiriləcəkdir.

Abunəçi balansına köçürülən məbləği pul vəsaiti kimi istifadə edə bilməz. Bu vəsaitdən yalnız faktura borcunu ödəmək üçün istifadə oluna bilər. Həmçinin bu məbləğ digər nömrənin balansına köçürülə bilməz.

• Fakturasız xətt sistemindən fakturalı xəttə keçid əməliyyatı pulsuz əsaslarla həyata keçirilir.
• Fakturasız xətt sistemindən fakturalı xəttə keçid əməliyyatı zamanı mövcud xidmətlər deaktiv edilir.
• Fakturasız xətt sistemindən fakturalı xəttə keçid əməliyyatı zamanı SİM kart dəyişdirilir və SİM kart yaddaşında olan nömrələr yeni SİM karta keçirilmir.
• Fakturasız xətt sistemindən fakturalı xəttə keçid əməliyyatı zamanı nömrənin SimKredit borcu 24 saat ərzində fakturalı xətt nömrəsinə keçirilir.

Fiziki şəxs: 

Nömrəni fakturasız xəttdən fakturalı xəttə keçirmək ücün abunəçi şəxsiyyət vəsiqəsi ilə Azercell Eksklüziv ofislərinə yaxınlaşmalıdır.

Qeyd: Abunəçi Azercell Eksklüziv ofisinə gələ bilmirsə, əməliyyat etibarnamə əsasında həyata keçirilə bilər.

Xarici vətəndaş isə qeyd edilən əməliyyatın aparılması üçün aşağıdakı sənədləri təqdim etməlidir:

• Azərbaycan Respublikasının ərazisində müvəqqəti/daimi yaşamaq üçün icazə vəsiqəsi;
• Xarici passport.

Hüquqi şəxs:

Əməliyyatın aparılması üçün etibarlı şəxs öz istəyini açıqlayan və hüquqi şəxsin səlahiyyətli nümayəndəsi tərəfindən imzalanmış və möhürlə təsdiqlənmiş istək məktubu və öz şəxsiyyət vəsiqəsi ilə Azercell Eksklüziv ofislərinə müraciət etməlidir.